جريحة

Lyrics

عايشة وسط بلادي بحال شي إنسان غريب قلبي محروق و عامر هم كانحس بموتي قريب حبابي قالو قلبي قاسي و انا فراسي ناض الشيب من ديما داخلة سوق راسي و ما عمري جبدت العيب دغيا كاننسى و راضية بالمكتوب ما كايموت بالفقصة غي للي محساد و حقود عايشة مع بنادم غدار مقابل غير القيل و القال حسبت منهم بزاف و مازال لدابا ماعرفتش شحال عقلي وقف مللي شفت السبع كايولي خروف واخا كانبغي نعبر فسطر كايتسالاو لي الحروف ما كاين لا ذهب ولا نقرة واخا كانفيق بكري حيت فبلادي غاتعيش كاري ماشي فصالحها تشري كل شهر كانحط رزقي ما كايبقا ليا والو مللي نكبر غانعيش مزيان ياك هاذشي للي قالو و الى شافوك خدامة كايقولو عليك كاطيري ياك قالو بلاد الخير ما شفت حتى خير غير خيري مازال عاد بديت و بهم الدنيا كتافي تقالو الى لبنادم مشات الصحة من غير فعالو اشنو بقالو؟ فسبيطار الحومة جايبين بيبي الطبيب ماغايعتقوش ما عندو باش ينفعهم الى الفلوس ماعندوش غادية كانميل فالظهر مضروبة الجهد ماكاينش حياتي مقلوبة و الماضي فقلبي باقي عايش شلا حوايج شاغلين بالي مابقيتش قادرة ننعس شي كايقول خاصك طبيب و شي كايقول تابعك النحس و انا عارفة بسبب عدياني كانحس بصدري ضايق قلبي كايتحطم واخا عقلي بيهم عايق كايقولو ياله نعومو و كايلوحوك فالغيس حيت ماقبلتيش بلحيس و هوما عندهم دوبل فيس غايضحكو ليك فوجهك و غايتقنو ذاك الدور مي اونفوا غادي دور غايشهدو فيك بالزور غانعيش هانية واخا يبغيوني نتبهدل حيت والفت العز و عمري رضيت بالدل بنادم عمرو يبرا قلبو غادي و كايمرض الى شافك عايش هاني كون متأكد راه غايحقد بلا ما تعاديه و تضيع عليه الجهد خليه يقاتل راسو راه غير سمو غايشويه واش عارف شحال صعيبة توحش شي واحد ولفتي تزورو ومللي قصدتي دارو عطاوك لادريسة دقبرو كاتحس بقلبك مغروس فيه طرف ديال الزاج من برا كاتدبال و فعقلك كاينوض لعجاج بلا ما تسولني علاش ولا تحسبني غير كانحاجي غير خليوني نهضر قبل ما يوفا ليا الأجل