Lyrics

"Liewe Amelia,

Ek mis jou so baie. Ek is so jammer dat ek so hard was met jou. Ek het nie besef hoe siek jy regtig was nie. Dit was vir my verskriklik moeilik om jou elke dag so te sien. Jy het verander, en ek het jou nie meer herken nie. Die leeu wat jy eens was, het verdwyn. Jy het weggeskuil van die wêreld. Waar jy altyd voor in die ry gestaan het, het jy nou weggesteek. Jou vertroue was gebreek ná daardie dag wat jy jou eie lewe wou neem. Daarna was jy nooit weer dieselfde nie. Dit is toe dat ek jou verloor het.

Niemand weet hoe moeilik dit vir my was nie. Die liefde van my lewe, die sprankel in my hart, het net 'n dop van haarself geword. Ek het belowe om jou nooit te verlaat nie, dat ek daar sou wees vir jou tot aan die einde van dae. Dit was moeilik en dit was seer vir my om te sien hoe jy gesukkel het. Dit het my gebreek, dit het my verwoes. Ek was hulpeloos. Ek was jou beskermer, jou fondasie, maar ek was te hard omdat ek nie kon verstaan nie. Ek het jou verdruk, en toe het jy my verlaat. Die mense met wie jy toe jou lewe gedeel het, het jou nie geken nie, en op die einde het hulle jou ook verlaat.

Dit was die laaste strooi, en toe het jy opgegee. Jy het jou lewe geneem, weg van my. Ek was altyd daar vir jou, al wou jy my nie meer naby hê nie. Liefde soos die wat ek vir jou gehad het, het ek nog nooit ervaar nie. Ek voel verlore. Ek hou myself verantwoordelik dat ek jou nie kon red nie. Maar die Here weet beter, en dit was jou tyd. Hy het gesien hoe swaar jy kry en het besluit om jou huis toe te roep sodat jy nie meer seer hoef te hê nie. Jy is nou by God, en jy is vry. Maar my pyn wil nie weggaan nie.

Ek het nou vir Theresa, en sy is nou in my lewe. Ons bou 'n toekoms saam. Maar jy is steeds altyd in my gedagtes, en ek weet nie hoekom nie."